Лондонски ривали во трка за „ѕвер“ напаѓач вреден 100 милиони евра

Арсенал и Челси влегоа во сериозна трка за напаѓачот на Атлетико Мадрид – Хулијан Алварез.

Според достапните информации, двата лондонски клуба веќе некое време одржуваат континуирана комуникација во врска со аргентинскиот голгетер.

Наводно, од Мадрид пристигнале позитивни сигнали, што дополнително ги охрабрило заинтересираните страни.

Алварез, кој има 26 години, зад себе има забележителни настапи во дресот на Атлетико и се профилираше како еден од најопасните напаѓачи во Ла Лига.

Неговата енергија, агресивност и способност да постигнува голови во најтешки моменти му донесоа репутација на вистинска „ѕвер“ во нападот.

Според пишувањето на истиот извор, сумата што клубовите ќе мораат да ја издвојат за Аргентинецот изнесува нешто помалку од 100 милиони фунти, односно околу 100 милиони евра.

Арсенал во Алварез гледа идеално решение за дополнително зајакнување на офанзивната линија и борбата за врвот во Премиер лигата.

Од друга страна, Челси исто така бара стабилен и ефикасен напаѓач кој би можел да го носи тимот во следните сезони.