Откако денес го финализираше третиот значаен трансфер за ова лето, објавувајќи го ангажманот на Милош Керкез, Ливерпул веќе гледа кон следната зделка.
Според Николо Скира, раководството на „црвените“ веќе започнало разговори за капитенот на Кристал Палас, Марк Геи. Новинарот тврди дека самиот играч изразил подготвеност да се приклучи на Ливерпул.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Сајтот DaveOCKOP, посветен целосно на вести за Ливерпул, оди подалеку, тврдејќи дека клубот од „Енфилд“ е мошне блиску до договор за централниот бек. Истото известување додава дека интересот на Ливерпул датира уште од месец март, кога имало и први разговори со агентите на Геи.
По договарањето на продажбата на Џарел Кванса во Баер (Леверкузен), преговорите биле забрзани. Во „Енфилд“ веруваат дека можат да го затворат трансферот за 40-45 милиони фунти.
Овие вести пристигнуваат среде новите шпекулации за иднината на Ибраима Конате. Според новинарот Санти Ауна, 26-годишниот централен бек веќе донел одлука дека сака нов предизвик и ќе го напушти Ливерпул по крајот на следната сезона, како што направи ова лето Трент Александар-Арнолд, кој премина како слободен агент во Реал Мадрид.
Учество во игри на среќа е дозволено за лица со 18+ години. Играј одговорно!