Ливерпул најде замена за Трент – веднаш ја активира клаузулата од 35 милиони евра

Трент Александер-Арнолд по оваа сезона повеќе нема да биде играч на Ливерпул, а „Црвените“ веќе му најдоа замена.

Ливерпул зад себе има феноменална сезона. Го освоија јубилејното 20. првенство на Англија и тимот под водство на Арне Слот изгледа импозантно.

Се ближи крајот на сезоната во англискиот фудбал, а со тоа и почетокот на летниот трансфер период во кој „Црвените“ ќе мора да бидат активни.

По истекот на договорот ќе ги напушти една од најголемите ѕвезди на клубот – Трент Александер-Арнолд кој веројатно ќе се приклучи на Реал Мадрид.

Арнолд е одличен десен бек кој целата своја досегашна кариера ја помина во Ливерпул и сигурно е дека ќе биде многу тешко да се замени.

Сепак, нема време за губење, па Арне Слот и раководството на клубот од Мерсисајд веќе се фокусирани на пронаоѓање на неговата замена.

Станува збор за Жереми Фримпонг од Бајер Леверкузен, а откупната клаузула во неговиот договор е вистинска „ситница“.

Сумата изнесува само 35 милиони евра што, земајќи ја предвид инфлацијата на фудбалскиот пазар, но и квалитетот на Фримпонг, е навистина поволна цена.

Фотографија: Grok AI