Ливерпул има „подарок“ за Слот – засилување од 50 милиони фунти!

Крајот на календарската година значи дека се приближуваме кон возбудувањата на трансфер маркетот, а почетокот на новата година и јануари се резервирани за трансфери низ фудбалскиот свет.

Во медиумите од Островот се појави вест дека Ливерпул веќе е подготвен за јануарско засилување. Белгискиот репрезентативец Чарлс де Кетеларе, треба да стане нов жител на Енфилд.

Ако им се верува на медиумите во Островот, Ливерпул се согласи да ѝ плати на Аталанта 50 милиони фунти за споменатиот играч, а тоа е сумата под која тимот од Бергамо не би се согласил на продажба.

Де Кетеларе последните две сезони привлече внимание на себе со игрите во Милан и Аталанта.