Ливерпул ги израдува навивачите со важен потпис!

Конор Бредли денеска потпиша нов договор со Ливерпул.

Талентираниот десен бек ја продолжи соработката до летото 2029 година, а по потпишувањето, не можеше да го скрие своето задоволство.

“Многу сум горд што потпишав нов договор, сега ми преостанува да продолжам да работам напорно за да ја оправдам довербата,” изјави Бредли и додаде.

“Целта ми е да одиграм уште повеќе натпревари и да добијам уште трофеи. Целата суштина на играњето фудбал е во освојувањето на трофеи и успех. Колку повеќе ги освојуваме, толку подобро ќе биде за мене и за тимот. Се надевам дека не очекуваат убави години во клубот,” заврши Бредли.

Бредли се приклучи на академијата на Ливерпул уште во 2019 година, а следното лето го потпиша својот прв професионален договор.

Патот до првиот тим го донесе преку позајмица во Болтон, иако дебитираше во Лига купот против Норич во сезоната 2021/22.

Довербата на Ливерпул во својот играч ја покажува фактот што оваа сезона има 27 настапи во сите натпреварувања и е подготвен да ја преземе улогата на Трент Александер-Арнолд.

Да потсетиме, Трент Александер-Арнолд одлучи да го напушти “Енфилд” како слободен, преминува во Реал Мадрид, и се очекува дека Џереми Фримпонг од Леверкузен ќе го заземе неговото место.