Ливерпул експресно најде замени за повредениот Исак – две имиња се во конкуренција

Ливерпул се соочува со сериозен проблем во нападот по повредата на Александер Исак, што ги наруши плановите на стручниот штаб во клучниот дел од сезоната.

Шведскиот напаѓач претрпе тешка повреда, а првичните процени се дека ќе отсуствува од теренот подолг временски период.

Поради тоа, клубот од Енфилд е принуден да реагира брзо и да најде краткорочно решение кое би го покрило неговото отсуство.

Според ексклузивни информации од Англија, Ливерпул веќе активно го истражува пазарот и ги разгледува достапните напаѓачки опции.

Во тој контекст, две имиња се издвоиле како најреални опции за зимскиот трансфер период.

Првото е Мемфис Депај, искусен холандски репрезентативец кој моментно е отворен за краткорочен ангажман.

Дополнителен плус за Ливерпул претставува фактот што Депај има добри односи со голем број играчи од соблекувалната.

Второто име на листата е Александер Сорлот, напаѓач на Атлетико Мадрид кој е во одлична форма.