Роберт Левандовски изјави дека не знае каде ќе игра следната сезона. 37-годишниот напаѓач на Барселона има договор со каталонците до летото на 2026 година. Поради тоа почнаа шпекулации во врска со неговата иднина. Според запознаените, тој нема намера да го напушти “Камп Ноу” во јануари и нема план да ја заврши својата кариера.
“Смирен сум. Не знам каде ќе бидам и што сакам да правам за неколку месеци. Наскоро ќе бидам подготвен да одлучам по кој пат да продолжам и ќе видам какви се можностите. Не е неопходно да решам нешто сега и не брзам,” изјави Левандовски пред полска телевизија.
До кога ќе дишеме отровен воздух!? | Уште еден поткаст
“По толку години на највисоко ниво под тензија и со очекувања, понекогаш ми требаа надворешни стимули. Требаше да се соочам со нови емоции. Со времето стекнав нов поглед на многу нешта. Кариерата ми се приближува кон завршување, но додека играм, сакам максимално да го искористам времето, не само во спортска смисла, туку и емотивно. Сакам да уживам во моментот,” додаде тој.
Учество во игри на среќа е дозволено за лица со 18+ години. Играј одговорно!