Роберт Левандовски бил многу блиску до трансфер во Манчестер Јунајтед. Полскиот напаѓач откри дека силно сакал да игра на “Олд Трафорд” и во еден момент се согласил да се пресели таму. Тоа се случило во 2012 година, кога Левандовски беше во Борусија Дортмунд.
“Сакав да преминам во Манчестер Јунајтед, да работам со Алекс Фергусон. И реков “да”. Но, Борусија не сакаше да ме продаде, затоа што знаеја дека ако останам, можат да заработат повеќе пари и сакаа да почекам една до две години. Но, вистина е дека реков “да” на Манчестер Јунајтед”, сподели Левандовски пред “Би Би Си”.
Воздухот што нè убива: Зошто Скопје е меѓу најзагадените градови?
Кариерата на Полјакот тргнува во друга насока и тој се префрли во Бајерн Минхен, каде што ја освои Лигата на шампионите и постави бројни рекорди. 37-годишниот напаѓач на Барселона вели дека нема намера скоро да се пензионира.
“Веројатно жалам што не сум играл во Премиер лигата. Но, кога ќе погледнам наназад, сум играл за Бајерн, Дортмунд и сега Барселона. Морам да признаам дека сум многу задоволен од мојата кариера. Немам чувство дека нешто ми недостасува, бидејќи секој трансфер или одлука сум ги носел, затоа што така сум сакал”, додава тој.
Учество во игри на среќа е дозволено за лица со 18+ години. Играј одговорно!