Тренерот на Лејкерси Џеј Џеј Редик истакна дека Лука Дончиќ би можел да биде во тимот за натпреварот против Филаделфија Севентисиксерс. Лос Анџелес Лејкерси се некое време без Лука Дончиќ, кој замина во Словенија поради раѓањето на детето и пропушти два натпревари по ред.
Бидејќи Дончиќ не е присутен, големо прашање во тимот е кога ќе се врати на теренот. Тренерот на Лејкерси во петок кратко изјави дека враќањето би можело да биде многу брзо.
До кога ќе дишеме отровен воздух!? | Уште еден поткаст
Според зборовите на Дејв Мекменамин од „ЕСПН“, Редик изјави дека натпреварот против Филаделфија 76ерс сѐ уште е „можност“ и дека тимот ќе даде официјална потврда до сабота навечер.
Дончиќ оваа сезона игра на ниво на МВП. Тој е водечки во лигата со 35,3 поени по натпревар со 8,9 скока, 8,9 асистенции и 1,6 украдени топки. Шутра 47,8% од игра, 34,1% од далечина и 81,2% од линијата.
По натпреварот во Филаделфија, Лејкерси ќе имаат два дена одмор пред да бидат домаќини на Сан Антонио Спарси во четвртфиналето на НБА купот.
Учество во игри на среќа е дозволено за лица со 18+ години. Играј одговорно!