Легенда на Сити брани фудбалер на Ливерпул: Момчето не треба да се нарекува – змија

Трент Александар-Арнолд донесе конечна одлука да го напушти својот клуб од детството – Ливерпул и како слободен играч да излезе од договорот во јуни.

Според сите светски медиуми, Англичанецот од позицијата десен бек направи договор со Реал Мадрид и во тој клуб ќе дојде како слободен играч.

Бројни навивачи на Ливерпул го нападнаа Трент на сите социјални мрежи, а некои го нарекуваат „Змија“ поради големото предавство кое ќе го направи на клубот каде што се израснал.

Во негова одбрана не застана ниту една легенда на Ливерпул.

Тоа што е интересно е дека една легенда на Манчестер Сити реши да застане на страна на Англичанецот.

Станува збор за Серхио Агуеро кој пишуваше историја на „Етихад“ облечен во „небесно сина“ боја.

„Мислам дека секогаш треба да се почитуваат одлуките на фудбалерите. На крајот на денот тоа е негова одлука и треба да се почитува“, рече Агуеро.

Фото: Liverpool/FB