Ракометарите на Алкалоид се изборија за историско прво полуфинале во европските натпреварувања откако денеска на свој терен славеа над Баја Маре со 32-25.
Кире Лазаров по натпреварот секако беше задоволен од играта која ја прикажаа неговите ракометари, но и потсети дека многу брзо ги чекаат плеј-оф натпреварите во Суперлигата.
Како започна приказната со Goblin Games - од гаража до бренд! ↓↓↓
Среќен сум и задоволен, можеби се уште не ја чувствувам таа среќа, немаме ни време да се израдуваме за два дена ни започнува плеј-офот во првенството. Но, тоа е така во професионалниот спорт на највисоко ниво.
Мислам дека ова е голем успех за самиот клуб, ракометарите и за македонскиот ракомет затоа што еден клуб составен од 95% македонски ракометари и најмногу млади ќе игра полуфинале во едно европско натпреварување. Навистина тоа ме прави горд, се надевам и луѓето во клубот.
Свесен е Лазаров и дека во наредните натпревари нема да биде лесно, посебно што до крајот на сезоната не можат да сметаат на Марко Митев.
На момците им честитам за пожртвуваноста, борбата, играта и пласманот во полуфиналето. Во дадени моменти се чувствува дека ни фалат рутина и искуство да бидеме подобри. Како и да е ова огромен успех.
Во полуфиналето против Рунар со оние информации што ги имам досега, не сум ги гледал, очекувам атомски ракомет. Се надевам во иднина ќе прикажуваме и подобри изданија, иако свесен сум дека нема да биде лесно затоа што во составот го немаме и нашиот можеби најдобар ракометар, Марко Митев.
Учество во игри на среќа е дозволено за лица со 18+ години. Играј одговорно!