Поранешниот судија од Премиер лигата Дејвид Куут, кој минатата година беше отпуштен поради видео со навреди кон Јирген Клоп, призна вина за обвинение за создавање на непристојно видео со дете. Тој денеска се појави во магистратскиот суд во Нотингем и призна вина, откако претходно минатиот месец се изјасни како невин за истото обвинение.
Судијката Нирмал Шант нареди да се направи предизвештај пред изрекување на пресудата. Таа му се обрати на Куут со следниве зборови: „Признавте вина за сериозен случај. Дали ова ќе значи притвор или не, ќе се одлучи откако сите информации ќе бидат доставени на судот, поради што наредив предизвештај.“
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Пресудата ќе биде изречена на 11 декември.
Куут беше уапсен во својот дом порано оваа година и обвинет од полицијата на Нотингемшир на 12 август.
На сослушувањето минатиот месец, обвинителот Бен Пејн изјави дека случајот дошол во фокусот на полицијата по истрагата на Фудбалската асоцијација против Куут и дека неговите мобилни телефони биле прегледани од трета страна.
„Два разговора кои беа загрижувачки, изгледа укажуваат дека г. Куут имал сексуален интерес кон деца,“ додаде Пејн.
Беше пронајдено видео од категорија “А”, кое вклучувало движечка слика на 15-годишно дете, кое било достапно на датумот посочен во обвинението.
Лаптопот му беше конфискуван на 12 август, повеќе од осум месеци по отказот на Куут од PGMOL.
Сликите од категорија “А” се најсериозни, прикажувајќи најекстремен и штетен материјал, вклучувајќи сексуална активност или малтретирање на дете.
Дистрибуција, снимање или изработка на такви слики се казнува со максимална казна затвор од десет години.
Учество во игри на среќа е дозволено за лица со 18+ години. Играј одговорно!