„Koриере дело спорт“: Милан одлулчил – Донарума заминува!

Според италијанските медиуми, поточно „Кориере дело спорт“, Џанлуиџи Донарума го напушта Милан.

Како што пишува реномираниот италијански медиум, клубот одолучил и не сака од целата ситуација да прави нова сапуница. Како доказ за такво нешто се наведува договорот од три милиони по сезона кој му е понуден на Пепе Реина.

Донарума наводно ја изгубил довербата во соблекувалната, далеку од тоа дека брани лошо, но не е на нивото од минатата сезона.

Според информациите, нова дестинација на Донарума би бил Пари Сен Жермен кој е во потрага по голман од топ класа.

Јуве наводно му порачал на Раиола дека не го сака Донарума, тие го избраа Шчесни и веруваат дека во иднина тој може да биде прв голман и дека веќе докажал дека може да го наследи Буфон.

Доколку овие информации на „Кориере Дело Спорт“ се точни останува отворено прашањето на оштетата.

Кога е таа во прашање ПСЖ веројатно е спремен да плати помеѓу 40-50 милиони евра, Милан оваа сума би ја искористил да го покрие трошоците, како и да доведе нови играчи.