Овој викенд, Џејмс Милнер се вброи како рекордер во Премиер лигата со најмногу одиграни натпревари во елитното ниво на англискиот фудбал, вкупно 654. Неговиот поранешен тренер, Јирген Клоп, му честиташе на овој подвиг.
Искусниот играч го направи овој историски потег во победата на Брајтон против Брентфорд, а Клоп го изрази своето мислење за Милнер, со кој работеше години на “Енфилд”.
Спорт што не познава граници - Street Workout Macedonia | Уште еден поткаст
– Со него работев многу долго и среќен сум што бев дел од оваа неверојатна авантура. Тој е посебен на толку многу начини што не можете едноставно да го сместите во една категорија, бидејќи тоа не би било фер. Сметам дека тој е најдисциплинираниот, најупорниот, најголемиот професионалец меѓу фудбалерите со кои сум работел. А во исто време, тој е човек со огромно срце, што го покажува преку својата фондација и тоа можете да го видите во неговиот начин на комуникација со сите во соблекувалната и на теренот – изјави Клоп, а потоа додаде:
– Сите успеси што ги постигнавме во Ливерпул не би биле можни без него. Тоа е вистина. И тој сам, никогаш не можете да стигнете до ваков успех ако не сте целосно посветени.
Учество во игри на среќа е дозволено за лица со 18+ години. Играј одговорно!