Кладилниците ги одредија фаворитите за освојување на Лигата на шампионите. Познат е и најголемиот аутсајдер

Вчера заврши фазата на четвртфиналето во Лигата на шампионите и познати се сите четири клуба кои ќе играат во полуфиналето. За место во финалето, кое се игра на 31 мај на Алијанц Арена во Минхен, ќе се борат Барселона и Интер, како и Арсенал и ПСЖ. Врз основа на најновите коефициенти и проекции од британските кладилници и аналитички модели, најголемиот фаворит за освојување на Лигата на шампионите меѓу наведените клубови е Барселона.

Коефициенти за освојување на Лигата на шампионите:

• Барселона 2
• ПСЖ 2.25
• Арсенал 3.3
• Интер 6

Барселона според повеќето кладилници и аналитички модели (Opta, Oddschecker, Sports Betting Dime) моментално е прв фаворит за освојување на Лигата на шампионите, со коефициенти околу 2.00 до 3.01 и веројатност за освојување од 27.4 проценти.

ПСЖ е втор фаворит, многу блиску до Барселона, со коефициенти од 2.25 до 3.34 и веројатност за освојување од 25.7 проценти. Арсенал е трет фаворит, со коефициенти во распон од 3.33 до 6.94 и шанса од 24.3 проценти, а Интер Милан има значително повисоки коефициенти (6.00 до 10.06) и пониска веројатност за освојување (16.6 проценти).

Арсенал го пречекува ПСЖ на 29 април, а Барселона Интер на 30 април. Реваншите се играат седум дена подоцна.