Казахстански клуб собира ветерани: Присигна Нани, се чека на Пјаниќ

Две години познатиот Нани беше во фудбалска пензија, но изгледа дека доби доволно пари да „ги облечи копачките повторно“!

Поранешниот играч на Манчестер Јунајтед, кој е пред петата деценија од животот, потпиша договор со казахстанскиот Актобе.

Португалецот ќе игра за овој клуб наредните 12 месеци, а наскоро би требало да добие уште едно звучно име за соиграч.

Станува збор за Миралем Пјаниќ, кој од заминувањето од московскиот ЦСКА минатата година, е без ангажман.

Ако веќе успеале да го привлечат Нани да се врати на фудбалот во својата 40-та година, по две сезони пауза, сигурно дека Казахстанците нема да имаат проблем да постигнат договор и со поранешниот репрезентативец на Босна и Херцеговина.