Jугословенската легенда седнува на клупата на Косово?

Репрезентацијата на Косово квалификациите за Европското првенство ги заврши на петтото место во групата, а наскоро би можеле да добијат нов селектор.

Селекцијата на Косово во квалификациите беше подобра само од Андора, а остана зад Романија, Швајцарија, Израел и Белорусија.

Според информациите на „Спортске.ба“, најсериозен кандидат за селекторската позиција на косовоската репрезентација е легендарниот југословенски тренер, Блаж Бака Слишковиќ. Тој би требало да го замени Примож Глих, досегашниот селектор и да го води тимот во квалификациите за Светското првенство.

Слишковиќ е добро познато име на просторите на поранешна Југославија. Добар дел од кариерата помина во сплитски Хајдук, а кариерата ја заврши во 1999 година како фудбалер на Зрињски.

Од 2002 до 2006 година беше селектор на репрезентацијата на Босна и Херцеговина, додека последниот ангажман го имаше во 2021 година кога го водеше Железничар на четири натпревари.