Jaмал можел да игра за друга репрезентација, призна дека размислувал: Немаше да биде погрешно

Ламин Јамал, 18-годишниот суперталент на Барселона, во последното интервју за CBS ја откри својата дилема за тоа дали да игра за Мароко пред да облече дресот на Шпанија.

Мароко е земјата каде што е роден и пораснат таткото на Јамал, Мунир Насрауи, па таквата дилема беше сосема разбирлива, што самиот Јамал го потврди.

“Искрено, тоа беше чуден избор“, изјави младиот напаѓач за емисијата “60 Minutes” на CBS, и продолжи:

“Идејата за играње за Мароко постојано ми беше на ум. Мароко тогаш стигна до полуфиналето на Светското првенство, но во крајна линија не се двоумев. Со целиот респект и приврзаност што ги имам кон Мароко, отсекогаш сум сонувал за тоа да играм на Европско првенство и тука во Европа. Европскиот фудбал нуди поголема видливост и е повеќе блиску до меѓународното ниво”, нагласи Јамал.

⚠️🇪🇸🇲🇦 Ламине Јамал за изборот да ја претставува Шпанија и НЕ Мароко, земјата на потекло на неговото семејство:

“Навистина, беше нешто чудно. Да, размислував ‘можам да играм за Мароко’. Баш тогаш Мароко стигна до полуфиналето на Светското првенство, но во моментот… pic.twitter.com/JO5MJ6KUcb

— Ataque Futbolero (@AtaqueFutbolero) December 1, 2025

Се чини дека одлучувачкиот фактор беше можноста да игра на Европско првенство со Шпанија.

“Во Барселона се роди желбата да се освои Европското првенство, што, благодарение на Бог, и успеав да го направам. Сега сакам да играм на Светското првенство со шанса да го освојам. Секогаш ќе имам приврзаност кон Мароко. Тоа е и мојата земја. Играчкиот ангажман за нив не би бил чуден или погрешен, но Шпанија се натпреваруваше на Европското првенство. Овде пораснав, и ја сметам Шпанија за своја земја”, додава ѕвездата на каталонскиот клуб.

Јамал ќе ја предводи шпанската репрезентација на Светското првенство во Америка следната година, каде што „Црвената фурија“ сигурно ќе биде еден од фаворитите за титулата светски првак.

За репрезентацијата на Шпанија, Јамал одиграл 23 натпревари и постигнал шест гола, а претходно настапувал за сите младински категории на „Фуријата“.