Jунајтед носи конечна одлука за Тен Хаг: Познат фаворитот за негов наследник

Кон крајот на оваа недела раководството на Манчестер Јунајтед ќе донесе одлука за иднината на холандскиот стратег, Ерик Тен Хаг.

Во овој момент не е јасно дали Холанѓанецот ќе ја добие поддршката од раководството. Во изминатата сезона Тен Хаг стигна до трофејот во ФА Купот и така до некаде ја спаси сезоната по разочарувачкиот пласман на табелата.

„Дејли Мејл“ пренесува дека откако Тухел го одбил раководството фаворитите за наследник на Тен Хаг се: Покетино, Томас Франк и Де Зерби. Посебно се истакнува италијанскиот стратег.

Со клупата на Манчестер Јунајтед исто така се поврзуваат Саутгејт и Потер, меѓутоа нивните имиња брзо отпаднаа од конкуренција.