Тениската вест на денот доаѓа од Атина. Според „Газета“ од таму, Горан Иванишевиќ ќе стане тренер на Стефанос Циципас за околу два месеца. Тоа ќе се случи по завршувањето на Ролан Гарос. Ова ќе биде првпат грчката ѕвезда да работи самостојно со навистина успешен тренер и поранешен голем шампион.
Од летово Циципас работи со Димитрис Хаџиниколау, селекторот на Грција во Дејвис купот, но тој ги имаше истите недостатоци како и Апостолос – никогаш не бил врвен играч и немаше решенија за предизвиците од таа сфера на тенискиот живот.
Ливерпул викендов може да ја освои титулата во Премиер лига ↓↓↓
Затоа се очекуваше дека моментално осмиот тенисер на светот ќе прибегне кон ваков чекор – да повика некој што не само што бил одличен играч и знае како се победува на Грен Слем, туку и се докажал како тренер.
Иванишевиќ работел со неколку играчи од врвот, од Марин Чилиќ, со кого го освои Ју-Ес Опен 2014, преку Милош Раониќ и Томаш Бердих, до Новак Ѓоковиќ со кого ја достигна кулминацијата на успехот.
Учество во игри на среќа е дозволено за лица со 18+ години. Играј одговорно!