Леверкузен заработи 165 милиони евра од Ливерпул, па си купи дефанзивец од 40 милиони

Баер Леверкузен продолжува активно да го гради тимот за новата сезона, овојпат со ангажман на талентираниот англиски дефанзивец Џерел Кванса. Тој пристигнува од редовите на Ливерпул во трансфер вреден 40 милиони евра, со што станува едно од најзначајните засилувања за германскиот клуб летово.

Овој трансфер доаѓа по заминувањето на двете големи ѕвезди на Леверкузен – Флоријан Вирц и Жереми Фримпонг, кои заедно му донесоа на клубот рекордни 165 милиони евра.

Со средствата од тие зделки, „Фармацевтите“ инвестираат во нова генерација играчи, а Кванса се очекува да одигра важна улога во дефанзивата на тимот.