Ѓоковиќ откри што му се случи против Мулер

Најдобриот српски тенисер Новак Ѓоковиќ откри што всушност се случи во првото коло на Вимблдон кога имаше здравствени проблеми и побара медицински тајм-аут.

Новак Ѓоковиќ се пласираше во второто коло на Вимблдон откако го победи Французинот Мулер со 3:1. Не беше лесно, тврд противник беше Александер, а Србинот имаше и здравствени проблеми кога во третиот сет побара медицински тајм-аут бидејќи не се чувствуваше добро.

„Како што реков на теренот, од сјајот до очајот беше. Не во смисла на играта, туку на чувство на теренот. Не знам што се случи. Всушност, претпоставувам дека нешто беше со храната, многу играчи имаа такви проблеми. Веднаш штом се смири со стомакот, мене ми се врати енергијата и можев да се движам и играм онака како што играв сет и половина. Мислам дека играв феноменално, се чувствував одлично… Потоа тоа се случи и сè се забави – и моето движење, и играта…”, кажа Ѓоковиќ разговорот со медиумите.

Фото: Grok AI