Истиот судија, иста ситуација – Сити доби гол, а на Ливерпул му го поништија (Фото)

Тренерот на фудбалерите на Ливерпул, Арне Слот, беше самокритичен по тешкиот пораз од Манчестер Сити на „Етихад“ со резултат 3:0.

Премиерлигашкото дерби од кое се очекуваше многу од двата тима, бидејќи формите на двете екипи беа во подем, заврши со убедлива игра на Манчестер Сити кој веќе во првото полувреме го реши прашањето на победникот.

Ливерпул не се прашуваше многу. Беа под секое ниво во секоја линија и заслужено загубија, но натпреварот потенцијално можеше да тргне во поинаква насока ако голот кој го постигна Вирџил ван Дајк пред крајот на првото полувреме беше признаен. Холанѓанецот со глава го совлада Џиџо Донарума од првата опасна ситуација пред голот на Сити, но голот беше поништен бидејќи најблиску до италијанскиот голман беше Анди Робертсон кој не влијаеше на реакцијата на домашниот голман.

Сепак, ВАР просторијата во која седеше Мајкл Оливер му сугерираше на Крис Кавана да го поништи тој гол предизвикувајќи голема контроверзија. Веднаш потоа, Сити постигна втор гол и практично го фрли Ливерпул на колена.

„Робертсон воопшто не влијаеше на реакцијата на голманот. Веднаш по натпреварот, моите помошници ми покажаа гол кој истиот судија го призна – Сити против Волвс минатата сезона“.

📆 20th October 2024: Chris Kavanagh allows late Man City winner v Wolves despite Bernardo Silva blocking the goalkeepers’ view.

📆 9th November 2025: Chris Kavanagh 𝙙𝙞𝙨𝙖𝙡𝙡𝙤𝙬𝙨 Liverpool goal v Man City even though Andy Robertson was not standing in front of the… pic.twitter.com/sH5H1CRzQt

— Football Insider (@footyinsider247) November 9, 2025