Фудбалерот на Ливерпул, Александар Исак, им порача на навивачите од својот клуб дека му е тешко бидејќи ќе мора на присилна пауза, но и дека ќе направи сè за што побрзо и целосно подготвен да се врати на теренот.
Исак во понеделникот успешно беше опериран и Ливерпул соопшти дека го очекува неколкумесечна пауза, иако не ги објави сите детали за повредата.
Street Workout Macedonia – Движење што гради сила, карактер и издржливост | Уште еден поткаст
Шампионот на Англија потврди дека напаѓачот се здобил со фрактура на потколеницата, „меѓу другото“.
„Навистина сум разочаран што некое време ќе бидам надвор од теренот. Сега е време за опоравување, ќе го поддржувам тимот од страна. Ќе работам напорно за што е можно побрзо да се вратам“, рече 25-годишникот и додаде:
„Ви благодарам на сите ‘Црвени’ и на сите останати за убавите пораки – тоа ми значи навистина многу.“
Во отсутност на Исак, единствениот вистински напаѓач на Ливерпул е Хуго Екитике.
Ливерпул се наоѓа на петтото место на табелата во Премиер лигата со 29 бодови.
Учество во игри на среќа е дозволено за лица со 18+ години. Играј одговорно!