Интер со прво ново засилување за ова лето

Вицешампионот на Италија, Интер, го претстави своето прво ново засилување за сезоната 2025/26. Тоа е хрватот Петар Сучиќ, кој доаѓа од Динамо Загреб.

За правата на 21-годишниот дефанзивен играч за врска, „црно-сините“ ќе платат 14 милиони евра, а уште 2,5 милиони евра се предвидени како бонуси. Сучиќ, кој е роден во Босна и Херцеговина, но игра за националниот тим на Хрватска, запиша 32 натпревари во изминатата сезона.

Во нив постигна седум гола и направи четири асистенции. Договорот на играчот за врска со Интер е до летото 2030 година.