Фудбалскиот клуб Интер се подготвува за претстојното Светско првенство за клубови, а пред тоа ги очекува жестока борба за титулата во Италија и финалето од Лигата на шампиони.
Јасно е дека ќе има одредени промени во тимот, со оглед на тоа што некои играчи наговестија заминување. Кореа и Арнаутовиќ планираат промени, а Фратези е високо баран, можеби ќе му донесе на Интер околу 40 милиони евра, со Атлетико, Наполи, Рома и Јувентус кои се заинтересирани за него.
Пред Светското клупско првенство, тимот ќе го засилат Петар Сушиќ од Динамо Загреб, кој се очекува да биде замена за Фратези, и Луис Енрике од Марсеј, за кого ќе се плати околу 30 милиони евра.
Ова не е сè, периодот по Светското првенство ќе донесе уште неколку засилувања, вклучувајќи потрага по нов напаѓач и дефанзивец.
Одбранбениот играч кој ќе пристигне, треба веднаш да се наметне за стартна единаесетка, додека во нападот, најинтересна опција е фудбалерот на Парма, Јоан Бони.
Бони ќе биде алтернатива за Тирам, физички многу силен играч, кој иако не е најдобриот стрелец, може да придонесе со својата сила во дуелите против цврсти дефанзивци.
Прогнозите се дека во јуни Интер ќе доведе тројца играчи (Сушиќ, Енрике и уште еден напаѓач), а до крајот на преодниот рок целта е да се обезбеди уште еден дефанзивец.
Фото: Inter/X
Учество во игри на среќа е дозволено за лица со 18+ години. Играј одговорно!