Инцидент кај аеродромот во Тузла, непознати лица нападнале навивачи на Црвена звезда (Видео)

Непријатни сцени се случуваа вечерва во близина на Меѓународниот аеродром во Тузла каде што непознати лица нападнале навивачи на Црвена звезда.

Црвена звезда во четврток одигра натпревар од Европската лига на гостувањето кај Малме, и успеа да запише златна победа во борбата за пласман во нокаут фазата.

Белградскиот клуб славеше со минимални 1:0 со голот на Василиј Костов и сега има шанса со победа над Селта во последното коло директно да се пласира во осминафиналето, што би било огромен успех.

Звезда имаше голема поддршка од своите навивачи иако натпреварот се играше во Шведска, а некои од нив се задржаа малку подолго во Малме.

Всушност, некои навивачи на Звезда патуваа од тузелскиот аеродром до Малме и назад, и за жал вечерва дојде до инцидент.

Според објавениот извештај на Klix.ba, во непосредна близина на аеродромот во Тузла дошло до физички конфликт, бидејќи непознати лица нападнале навивачи на Звезда.