
Новак Ѓоковиќ успеа да се пласира во осминафиналето на УС Опен, но на прес-конференцијата по мечот со Камерон Нори доби прашање што го замисли – што сонуваш?
Прашан дали има некој сон што му се повторува или станува толку јасен што долго го памети, Новак рече дека поголемиот дел од неговите соништа се поврзани со професионалниот повик.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
– Поголемиот дел од соништата што ги сонувам се поврзани со тенисот! Жена ми ќе ме убие… Навистина е така, толку многу го зафати мојот живот. И, секако, децата откако станав родител. Интересно е што имав претчувство дека вторпат ќе добиеме дете и знаев кој пол ќе биде. Тоа е нешто што се истакнува, нешто што е значајно – изјави Ѓоковиќ.
На прашањето дали сонува за некој момент во тенисот што го преживеал или не го доживеал, Новак тврди дека сè се смирило откако на Олимписките игри освои најсјајниот медал.
– Интересно… Толку интензивните соништа запреа по златниот медал. Главно се сонуваше за Олимпијадата, а од тој момент почнаа други соништа – заклучи Ѓоковиќ.
Фотографија: Принтскрин