И тоа се случи: Телохранителот на Меси соборен на земја и поразен во спринт трка

Телохранителот на Меси, Јасин Чуеко, го доживеа првиот „пораз“ во трката за да стигне до својот клиент пред навивачите да упаднат на теренот и да посакаат да го гушнат можеби најдобриот фудбалер на сите времиња.

Јасин Чуеко е поранешен припадник на единицата за специјални сили на Navy SEAL, а долго време служи како приватно обезбедување на Лионел Меси.

Чуеко безброј пати успеваше да ги спречи навивачите кои се обидуваа да стигнат до легендарниот Аргентинец на пат или на терен, а секој пат ќе беше побрз и со голем успех го штитеше Лионел Меси.

Не и овој пат. Имено, на натпреварот помеѓу Интер Мајами и Сан Мигелито, навивач упадна на теренот и со полна брзина се обиде да дојде до Меси. Чуеко гледаше се и на време тргна да го пресретне навивачот, но се случи нешто неочекувано.

Навивачот се лизнал и лизгајќи се по тревникот го удри Чуеко, кој и самиот паднал на земја. Навивачот бил побрз при кревањето и успеал да ја допре светската фудбалска ѕвезда, а телохранителот веднаш станал по него и набрзо го одвоил од Меси.

Така, Чуеко по долгогодишен сервис и слични ситуации за прв пат во кариерата беше „победен“.

Someone finally defeated Messi’s bodyguard 😂pic.twitter.com/qQzJX85I93

— Castro1021 (@Castro1021) February 3, 2025