Хујсен пристигна, Реал сега е на чекор од ново засилување!

По доведувањето на Дин Хујсен, Реал Мадрид има уште едно засилување – Алваро Карерас!

Денес, Фабрицио Романо потврди дека левиот бек се согласи со сите услови и постигна договор со Реал, кој сега треба да преговара со Бенфика за откупната цена.

Реал Мадрид веднаш по финалето на Купот на Португалија меѓу Бенфика и Спортинг ќе започне со реализација на трансферот.

Откупната клаузула за Карерас изнесува 50 милиони евра, но во Мадрид веруваат дека при договорот со играчот ќе успеат да ја намалат сумата која ќе ѝ ја понудат на Бенфика.

Карерас може веќе во понеделник, по финалето со Спортинг, да отпатува за Мадрид, бидејќи планот на Перес е пред завршетокот на Светското првенство во САД да заврши три засилувања.

Првото беше Хујсен, наскоро се очекуваат Карерас и Трент Александар-Арнолд, за кого Реал е подготвен да плати симболична сума за да го ослободи од Ливерпул и да игра на Светското.

Ќаби Алонсо веќе го составува тимот и на овој турнир ќе може да ги уигрува новите играчи и да создава состав за следната сезона.