Хрватска конечно дочека: Љутиќ направи чудо во Светскиот Куп – две победи за една недела!

Талентираната хрватска скијачка Зринка Љутиќ прави чуда во Светскиот куп – откако претходниот викенд запиша победа која Хрватска ја чекаше 18 години, уште од Јаница Костелиќ, продолжи и оваа недела. Триумфирајќи на слалом трката во Крањска Гора ја продолжи серијата на феноменални резултати и го презеде првото место во генералниот пласман на оваа дисциплина, но и во целокупниот Светски куп!

Зринка Љутиќ и Венди Холденер од Швајцарија ја делеа првата позиција по првата трка, за во втората трка Зринка да го постави најбрзото време и да победи со 16 стотинки побрз резултат од Холденер. Трета беше Швеѓанката Ана Свен Ларсон (+1.19).

Сѐ се поклопи за младата и талентирана Хрватка – во Крањска Гора Сара Хектор и Камил Раст постигнаа нешто послаби резултати, така што сега во Светскиот куп Љутиќ има 456 бода, Хектор е на 447 боеви, а Раст има 433. Што се однесува до слаломот, состојбата е следна: Љутиќ има 309 бода, четири повеќе од Раст, а Холденер има 265 бода.