Гвардиола по шокантното испаѓање на Сити: Не можам доволно да им се заблагодарам на играчите

Пo три убедливи победи во групната фаза на Светското клупско првенство, Манчестер Сити беше елиминиран во осминафиналето. Ал Хилал го шокираше англискиот тим и победи со 4-3 по продолженијата, пласирајќи се во четвртфиналето каде што ќе се соочат со Флуминенсе.

„Видов многу добри работи што не сум ги видел претходно, особено во односот меѓу играчите и тренерскиот персонал. Се забавувавме добро тука, натпреварите беа добри, а нивото на игра беше високо“, рече Гвардиола и додаде:

„Во оваа фаза, сите натпревари се тешки. Му дозволивме на противникот да се префрли, но создадовме многу и генерално бевме добри. Штета. Не можам доволно да му се заблагодарам на тимот за тоа колку добро тренираа и се подготвија. Дадоа сè од себе.“