Гринвуд игра во страшна форма, влезе во елитно друштво – им се придружи на Кејн, Халанд и Мбапе!

Мејсон Гринвуд игра сезоната од соништата.

Англичанецот постигна нови два гола во победата на Олимпик Марсеј против Ница (1:5) и на тој начин стана водечки стрелец во Лига 1 со 10 голови, а има и три асистенции.

Интересно е што Гринвуд е единствениот фудбалер кој има над 10 голови и асистенции во „лигите на петицата“ од почетокот на сезоната. Покрај него, 10 или повеќе голови и асистенции вкупно имаат само уште Хари Кејн (13+3), Ерлинг Халанд (14+1) и Килијан Мбапе (13+2).

Инаку, Марсеј го купи Гринвуд од Манчестер Јунајтед летото 2024 година за 24.000.000 евра.

Ако продолжи со вакво темпо, нема сомнение дека следното лето ќе биде многу посакуван играч, иако е со силен договор обврзан за Олимпик до летото 2029 година.