Готово: Се огласи поранешниот репрезентативец – Салах потпишал!? (ФОТО)

Фудбалерот на Ливерпул, Мохамед Салах, во овој момент е можеби најдобриот играч во светот, но во исто време е и човек на кого му истекува договорот на крајот од сезоната.

Десното крило на “црвените” игра извонредно и го води Ливерпул кон цели што не се чинеа реални кога Јирген Клоп ја предаде палката на Арне Слот. Оваа сезона постигна 15 гола и забележа 12 асистенции на 21 натпревар што е фантастичен учинок.

Сепак, навивачите на Ливерпул не се спокојни, затоа што Мохамед Салах за еден месец може да преговара со други клубови и потенцијално да ги засили како слободен играч следното лето. Најновите информации од Египет сугерираат дека преговорите за продолжување на неговата соработка со тимот од “Енфилд” се интензивирале, а се вели и дека Мохамед Салах го добил она што го посакувал.

Поранешниот египетски репрезентативец Хајтам Фарук, преку својот “X” профил, му честиташе на Мохамед Салах за новиот договор, а англиските медиуми го сметаат за веродостоен извор бидејќи работи како стручен консултант на телевизијата “beiN Sport” што има одлични односи со “единаесетката” на Ливерпул.

“Честитки за продолжувањето на договорот со бројот што ти се допаѓа и периодот кој го посакуваше. Египетскиот крал владее со својата желба”, напиша Фарук.

مبروك عليهم تجديد عقدك بالرقم الذي تحبه والمدة التى تريدها .
الملك المصري يحكم بأحكامه . pic.twitter.com/QnbONcL0vl

— Haytham Farouk (@HaythamFarouk) December 4, 2024