Готово: Алонсо ја избрал замената за Мбапе!

Реал Мадрид го донесе решението – нема да купуваат напаѓач како план Б, бидејќи таков веќе постои во нивните редови и тоа е – Гонзало Гарсија.

Младиот стрелец кој минатата сезона блескаше кај Алваро Арбелоа во вториот тим на Реал Мадрид, доби шанса под водство на Чаби Алонсо и ја искористи на најдобар можен начин.

Алонсо е уверен дека Гарсија може да биде резервен напаѓач кој може да внесува енергија од клупата, слично како што претходно правеше искусниот Хоселу.

Има 21 година, роден е во Мадрид, поминал низ сите младински селекции на Реал Мадрид, добро го познава клубот и со својата работа го освои довербата на Чаби Алонсо.

На Светското првенство досега постигна два гола и забележа една асистенција, заменувајќи го Килијан Мбапе кој страдаше од стомачни проблеми. 

Очекувањата се дека Гарсија оваа сезона ќе биде дел од првиот тим на Реал и ќе добие шанса да се докаже. 

Сè уште останува да се види што ќе се случи со младиот напаѓач Ендрик, кој минатото лето пристигна од Палмеирас за огромни 45 милиони евра и досега не се наметна.

Реал Мадрид се соочува со Јувентус во осминафиналето на Светското првенство. Килијан Мбапе се враќа во тимот, но не е исклучено Гонзало Гарсија да остане прва опција поради добрата форма.

Натпреварот Реал – Јувентус ќе се одржи во вторник во 21.00 часот.