Ѓорческа гази сè пред себе во Романија – со триумф го отвори новиот турнир

Најдобрата македонска тенисерка Лина Ѓорческа денеска забележа нова победа во Романија, совладувајќи ја Џорџија Андреа Крајчун со 2-1 во сетови, по резултат 6-4, 4-6 и 7-5.

Првиот сет се одвиваше во изедначена игра, со многу извртувања на гемовите и ретки зачувани сервиси. Ѓорческа успеа да направи клучен брејк во 10. гем, што ѝ донесе победа во сетот со 6-4.

Во вториот сет, македонската тенисерка започна силно и направи брејк уште во третото коло. Сепак, Романката брзо возврати со свој брејк и успеа да го освои сетот со 6-4, враќајќи ја неизвесноста во натпреварот.

Третиот сет донесе нови возбудувања. Ѓорческа поведоа со 3-0, но противничката успеа да израмни на 3-3 и да го загрози водството на македонската тенисерка. Во клучните моменти, Ѓорческа покажа голема концентрација и упорност, направи уште еден брејк и го доби сетот со 7-5, обезбедувајќи си нов триумф и пласман во следната рунда.