Голема чистка во Манчестер Јунајтед: Осум играчи заминуваат поради еден трансфер

На „Олд Трафорд“ очигледно повеќе нема простор за калкулации и полуготови решенија.

Според британските таблоиди „Мирор“, Манчестер Јунајтед планира една од најголемите чистки во последните години.

Дури осум играчи се на излезната врата, сè со цел клубот да може да започне реализација на еден голем трансфер план.

Во фокусот е фудбалерот Елиот Андерсон, чие што вредност се проценува на огромни 100 милиони фунти.

Тоа е износот кој јасно покажува дека Јунајтед мора да донесе сериозни одлуки.

Првите имиња на списокот за продажба се Расмус Хојлунд и Маркус Рашфорд.

За овие двајца, клубот очекува околу 64 милиони фунти, благодарение на клаузулите во договорите за позајмица со Наполи и Барселона.

Овие пари би требало да бидат првиот чекор кон големиот трансфер.

На списокот за одлузување е и Андре Онана, кој моментално брани на позајмица во Трабзонспор.

Ситуацијата не е многу подобра ниту за Мануел Угарте и Џошуа Зиркзе.

Иако за нив се платени големи суми, 50.8 милиони за Угарте и 36.5 милиони за Зиркзе, клубот е подготвен да ги продаде и со значителен финансиски губиток.

Тоа доволно зборува колку е итно потребно реструктурирање на тимот. Но, тоа не е крај за пресекување.

Тирел Маласија, Џадон Санчо и Касемиро ќе го напуштат клубот како слободни играчи.