Веста дека Сенегал му е одземена титулата освоена на Африканскиот куп на нации и дека е таа дополнително доделена на Мароко, ја шокираше целата планета.
Финалниот меч полн со контроверзии заврши со победа на Сенегал од 1:0, но Мароканците се жалеа бидејќи нивниот ривал го напушти теренот за време на натпреварот, огорчен од судиските одлуки на крајот, и нивната жалба беше усвоена и титулата им беше доделена „на маса“.
Street Workout Macedonia – Движење што гради сила, карактер и издржливост | Уште еден поткаст
Сега се огласија челниците на Фудбалските сојузи на Мароко и Сенегал, кои испратија јасни и брутални соопштенија. Мароканците истакнаа дека не сакаат да го омаловажат успехот на Сенегал, туку дека сакаат правилата на натпреварувањето да се почитуваат.
– Федерацијата сака да потсети дека нејзиниот пристап никогаш не бил насочен кон оспорување на спортскиот успех на екипите кои учествуваат на овој турнир, туку исклучиво кон барање за примена на правилата на натпреварувањето – стои во нивното соопштение.
Од друга страна, соопштението на Сенегалските власти е многу бурно.
– Ова е лакрдија! Оваа одлука не е заснована апсолутно на ништо. Нема правен основ. Ние нема да отстапиме. Луѓето на Сенегал не треба да се сомневаат, вистината и правото се на наша страна – изјави Абдулај Сејду Со, генерален секретар на ФС Сенегал.
Учество во игри на среќа е дозволено за лица со 18+ години. Играј одговорно!