Пол Погба им се обрати на поддржувачите по победата од 1:0 против актуелниот шампион, Пари Сен Жермен. Поранешниот член на Манчестер Јунајтед и Јувентус, кој повторно се врати на фудбалските терени овој месец по трансферот во Монако и истекот на казната за допинг, покажа колку е битен за неговиот нов тим.
Триумфот на Монако во сабота против ПСЖ ја отвори трката за титулата во Франција. Домаќините ги освоија важните три поени со голот на Такими Минамино, кој 22 минути пред крајот на натпреварот ја заврши акцијата на Александар Головин во голот.
Од лозје до чаша: Уметноста на виното со Теодор Бојаџиев | Уште еден поткаст
Тимот на Кнежевството ја задржа предноста и покрај тоа што Тило Керер доби директен црвен картон за груб фаул, десет минути пред финалниот свиреж. Во играта влезе и Погба во 86-та минута, чија искуство помогна во одбраната од завршните налети на ПСЖ и зачувувањето на победата.
По дебито на домашен терен, францускиот среден играч се обрати на навивачите. “Денес беше важен ден. Победивме, но следната игра е она што е важно. Веќе работиме да го постигнеме тоа. Продолжуваме заедно. Никогаш не се предаваме. Ви благодарам”, порача Погба.
Францускиот фудбалер им се приближи на фановите на Монако, што може да се види во видеото кое Лига 1 го објави со опис: “Погба како лидер држи говор пред фановите.” На крајот доби аплауз.
Се очекува влијанието на Погба во тимот да расте, а првата можност да игра од почеток може да ја има во петок, кога Монако гостува против Стад Брестоаз во обид да се приближи до врвот на табелата. Во претходните две натпревари Погба одигра само девет минути.
Pogba giving that leader speech to the fans 🔥 pic.twitter.com/ev1tn8W3ir
— Ligue 1 English (@Ligue1_ENG) November 29, 2025
Учество во игри на среќа е дозволено за лица со 18+ години. Играј одговорно!