Актуелниот европски шампион Шпанија, со победа во луда игра над Франција (5:4), се пласираше во финалето на Лига нации, каде што ќе игра против Португалија.
Во период од три минути, Фурија постигна два гола, првиот преку Нико Вилијамс, а вториот преку Микел Мерино. И двата пати асистент беше Микел Ојарзабал.
Дејан Димовски: Скопје троши 700 литри вода дневно по жител | Уште еден поткаст ↓↓↓
Шпанците продолжуваат во ист стил и во второто полувреме, Ламин Јамал погоди од пенал за 3:0, а сите дилеми во овој натпревар (барем така изгледаше тогаш) ги отстрани Педри кога постигна и четвртиот гол на стадионот во Штутгарт.
Франција успеа да намали со голот на Мбапе од пенал, но недолго потоа Ламин Јамал донесе убедливо водство од 5:1.
Во завршницата, поранешните светски шампиони избегнаа дебакл со три гола.
Ефектно погоди талентираниот Рајан Черки, потоа видовме автогол од Вивијан, а во четвртата минута од надоместокот Коло Муани успеа да донесе неизвесност во натпреварот, но не и дополнителни продолженија за Французите.
Учество во игри на среќа е дозволено за лица со 18+ години. Играј одговорно!