Германците бесни: Баерн треба да игра натпревар на „плус 40“!

Во 15 часот (21 час според наше време), Баерн и Бенфика ќе играат натпревар од третото коло од групата Ц на Светското клупско првенство, кое се одржува на стадионот “Bank of America” во Шарлот. Според временската прогноза, се очекуваат температури во Северна Каролина помеѓу 38 и 41 степен Целзиусов. Весникот “Bild” го опиша ова време како “брутално”.

Тренерот на баварскиот клуб, Винсент Компани, даде свој коментар за временските услови пред натпреварот. “Жештината сигурно ќе има влијание, но тоа важи за двата тима.” Играчот од средината на теренот, Александар Павловиќ, открил дека добиле упатства од нутриционистот: “Задолжително е да консумираме многу течности и електролити. Жешкото време нема да исчезне и не можеме многу да промениме во тој поглед.”

Ова е трет натпревар за Баерн на Светското клупско првенство во САД. Во првиот натпревар го совладаа аматерскиот тим Окланд Сити со 10:0, а потоа и Бока Јуниорс со 2:1. “Овој турнир е полн со крајности за Баерн. Прво беше екстремниот аутсајдер Окланд Сити, потоа гласната поддршка од навивачите на Бока, додека сега ја имаат екстремната жештина во Шарлот,” пишува “Bild”.

Баерн веќе обезбеди пласман во осминафиналето, а нерешен резултат против Бенфика би им донесол прво место во групата, пред почетокот на наредната фаза.