РК Еурофарм Пелистер ја информираше јавноста дека тренерот на екипата Рубен Гарабаја поднесе оставка од својата позиција и клубот ја прифати истата. Гарабаја заминува од Битола пред истекот на договорот, а тимот до крајот на полусезоната ќе го предводи директорот Звонко Шундовски.
Со Гарабаја на клупата клубот го освои Суперкупот на Македонија и одигра достоинствени десет натпревари од Лигата на шампионите за сезоната 2025/25. Гарабаја пред заминувањето од клубот и градот ја објасни својата одлука.
Како екраните влијаат на детскиот развој? Разговор со дефектолог
„Сакам да потенцирам дека по натпреварот со Алкалоид не почувствував поддршка од амбиентот. Очекував реакција во Загреб, но со оглед на тоа што таа реакција не дојде, се одлучив да ја понудам мојата оставка. Сметам дека мое заминување во овој момент ќе предизвика позитивна реакција кај тимот и ракометарите. Сакам да им се заблагодарам на сите ракометари, со кои имам одличен однос, и да им посакам успех во продолжение на сезоната. Голема благодарност до клубот за ова мое искуство и многу среќа во иднина“, изјави Гарабаја.
РК Еурофарм Пелистер му се заблагодарува на Рубен Гарабаја за професионалноста и му посакува успеси во понатамошниот тек на кариерата.
Учество во игри на среќа е дозволено за лица со 18+ години. Играј одговорно!