Фудбалски рај меѓу облакодерите: Најчудната градба на стадион во светот носи посебна приказна (Видео)

Повеќе или помалку, водечките стадиони во Европа се познати на фудбалските вљубеници, но на другата страна на светот има големи стадиони кои носат посебни приказни.

Во Азија има посебна инфраструктура, станува збор претежно за стадиони кои носат епитет национални, а некои се специфични по многу нешта.

Еден од најчудните стадиони е во Хонг Конг, познат како стадионот “Со Кон По”.

Станува збор за национален стадион каде игра и репрезентацијата на Хонг Конг и е домаќин на големи клупски натпревари во Хонг Конг.

Овој стадион носи посебна приказна. Изграден е во 1953 година, но во 1994 година претрпе целосно реновирање со тогаш неверојатни идеи.

Имено, во Хонг Конг сакаа Азија да го има својот “Вембли” според култниот стадион во Лондон, но целата конструкција не успеа да го следи тој изглед.