Кес Смит (роден 2006 година во Хеилоу) го проживува највозбудливиот период во својата кариера. Со 18 години дебитираше за првиот тим на АЗ Алкмар, со 19 години го освои Европското првенство У-19 и стана незаменлив член на стартниот состав, а со 20 години би можел да оствари трансфер вреден неверојатни 60 милиони евра во некој од европските гиганти, пишува шпанскиот AS.
Неговото име последниве месеци често се поврзува со клубови како Реал Мадрид, Барселона, Њукасл, Баерн и Челзи, што не е ни малку случајно. Смит важи за еден од најперспективните млади играчи на денешницата, а вниманието го привлече со фантастичните настапи на споменатото Европско првенство У-19, каде што ја одведе Холандија до титулата како најдобар играч на турнирот, постигнувајќи четири гола во пет натпревари.
До кога ќе дишеме отровен воздух!? | Уште еден поткаст
Тој самиот е свесен за интересот и признава дека сака да направи напредок. “Сакам да дојдам до врвот што побрзо. Понекогаш разговарам за тоа дома. Не постојано, се разбира. Но знам дека сакам да имам добра сезона со АЗ и потоа да видиме што ќе се случи. Напредокот не мора да се случи следната година”, изјави неодамна за да ја смири ситуацијата.
АЗ Алкмар е познат како клуб што развива и продава играчи, но во овој случај ги држи сите карти во свои раце затоа што Смит има цврст договор до 2028 година. Затоа немаат итност за продажба, а како што објави The Athletic, холандскиот клуб за својот дијамант бара околу 60 милиони евра.
Учество во игри на среќа е дозволено за лица со 18+ години. Играј одговорно!