Фудбалер на Јунајтед изненади: Никој не ме контактираше, време е да најдам нов клуб

Во Јунајтед и играчите повеќе не кријат дека ќе го напуштат клубот и јавно зборуваат кога тоа ќе се случи.

Кристијан Ериксен јавно го најави своето заминување од редовите на англискиот премиерлигаш Манчестер Јунајтед.

Toj моментално е на собир со фудбалската репрезентација на Данска, каде на прес-конференција отворено зборуваше за тоа дека ќе го напушти Олд Трафорд.

„Договорот ми истекува ова лето и подготвен сум да барам нешто ново. Ова ми одговара во овој момент“, започна Ериксен и додаде:

„Никој не ме контактираше за продолжување на договорот. Затоа претпоставувам дека соработката завршува, барем јас така го толкувам тоа.“