Тренерот на Барселона Ханси Флик ја доби задачата да ѝ соопшти на младата ѕвезда на клубот Ансу Фати дека повеќе не е во плановите и дека треба да си најде нов тим.
Ансу Фати пред неколку години се сметаше за наследник на Лионел Меси. Го доби дресот со број 10 и од него се очекуваше блескава кариера.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
Сепак, тешките повреди, сега веќе јасно е, ја уништија кариерата на овој фудбалер. Со 22 години е отпишан од Барса и му е предложено да замине и да најде место каде што ќе игра, бидејќи кај Флик нема да има простор.
„Клубот, стручниот штаб и добар дел од луѓето од неговата околина очекуваат Ансу да го напушти клубот. Ханси Флик не смета на него“, наведува весникот „Спорт“ и додава:
„Клубот врши притисок врз Фати да замине на позајмица овој месец. Меѓутоа, Ансу и поблискиот дел од семејството сакаат да останат, иако нема да игра.“
Учество во игри на среќа е дозволено за лица со 18+ години. Играј одговорно!