ФИА ги промени правилата: Се очекува возбудлива трка во Монако

Светската автомобилска федерација (ФИА) ги смени правилата за трката во Формула 1 за Големата награда на Монако.

Возачите ќе мора да застанат два пати во боксот, со цел да се внесе динамика во таа трка каде што претекнувањето е речиси невозможно.

ФИА објави дека ќе се користат најмалку три сета на гуми „со цел да се подобри динамиката на трката имајќи ги предвид значителните тешкотии при претекнување на оваа патека“.

На последните две трки на Формула 1 во Монако, резултатите главно се одредуваа врз основа на позициите постигнати за време на квалификациите.