Фудбалскиот клуб Гостивар ја плати цената за напуштањето на теренот против Работнички. Одлуките што денеска ги донесе Дисциплинската комисија на Фудбалската федерација на Македонија се меѓу најтешките оваа сезона и сериозно го доведуваат во прашање натамошниот тек на сезоната за клубот од западот на земјата.
Поради бојкотот по примениот гол во 29. коло, Гостивар останува без девет бодови, а како дополнителен удар следи десет натпревари суспензија на домашниот терен. За да биде уште потешко, тимот ќе мора да игра најмалку 100 километри далеку од својот град.
Данска vs. Македонија: Како тие се справуваат со отпадот, додека ние се расправаме кој е крив?
На удар не се само клубот и бодовите. Суспендирани се и три клучни личности: претседателот Енес Уста, фудбалерот Алпер Потук и тренерот Блажо Панов – сите со двегодишна забрана од фудбалот поради организирање на напуштањето на теренот.
Сите фудбалери кои беа во записникот за мечот со Работнички се казнети со по 500 евра, а клубот дополнително ќе плати глоба од 5.000 евра.
Останати одлуки:
- ФК Башкими – 3.500 евра казна поради пиротехнички средства и неслужбени лица во службени простории.
- Претседателот на клубот, Бурак Хида, суспендиран на два месеци поради навреди кон судиите.
- ФК Струга Трим Лум – 5.000 евра казна поради инцидент и лоша организација на мечот со Гостивар.
- ФК Воска – започната постапка поради непојавување на мечот против Брера А.П.
Фото: ФК Гостивар
Учество во игри на среќа е дозволено за лица со 18+ години. Играј одговорно!