Федерер му се враќа на тенисот, но како тренер?

Во тениските кругови, не престанува да се зборува за соработката помеѓу Новак Ѓоковиќ и Енди Мареј. Данскиот играч Холгер Руне исто така би сакал едно големо име од „белиот спорт“ да му биде тренер.

Руне сака да го ангажира Роџер Федерер, иако не е сигурен дека тоа е реално во моментов.

– Искрено, не ми треба уште еден тренер во моментов, но сум голем обожавател на Роџер Федерер. Би сакал да ми биде тренер, иако мислам дека тоа моментално не го интересира – рече Руне за „Тенис 365“.

Руне во моментов работи со Ларс Кристенсен и моментално е 13. на АТП-листата.