Европски гигант подготви понуда за Санчо, Англичанецот има нова голема шанса!

Откако минатата сезона ја помина на позајмица во Челзи, на сите им е јасно дека Санчо ова лето ќе го напушти Манчестер Јунајтед.

Репрезентативецот на Англија беше поврзуван со неколку клубови за време на преодниот рок, откако Аморим јасно даде до знаење дека не е во неговите планови за новата сезона.

Како што стојат работите, Санчо може да ја продолжи својата кариера во европски гигант кој наводно подготвил понуда за него.

Сè уште се чека официјална понуда од некој од клубовите, а единствениот официјален контакт со Санчо и Манчестер Јунајтед имаше Рома.

Сепак, Фабрицио Романо тврди дека Рома и Санчо не постигнале договор и дека Санчо јасно одлучил да не ја продолжи кариерата во овој клуб.

До Санчо ќе стигне, како што стојат работите, најголемата понуда ова лето, и тоа од Германија.

Имено, екипата Бајерн Минхен подготвила доцна понуда за Санчо, кој сакаат да го донесат до крајот на преодниот рок.

Директорот на Бајерн Минхен, Макс Еберл, сака уште едно или две засилувања до крајот на преодниот рок, а едното од имињата што сака да го доведе е токму Санчо.

Освен Санчо, наводно на радарот на Бајерн се и фудбалерот на Арсенал Фабио Вијеира, како и играчот на ПСЖ, Марко Асенсио, кој минатата сезона играл одлично на позајмица во Астон Вила.